Kiara Advani: कियारा अडवाणी आणि सिद्धार्थ मल्होत्रा पुन्हा होणार आई-बाबा; खास पोस्टद्वारे दिली आनंदाची बातमी
बॉलिवूड अभिनेत्री कियारा अडवाणी आणि अभिनेता सिद्धार्थ मल्होत्रा यांच्या घरात पुन्हा एकदा आनंदाचे वातावरण आहे. या लोकप्रिय जोडप्याने सोशल मीडियावर खास पोस्ट शेअर करत चाहत्यांना आनंदाची बातमी दिली आहे. कियारा आणि सिद्धार्थ पुन्हा एकदा आई-बाबा होणार आहेत.
कियारा अडवाणीने तिच्या अधिकृत इन्स्टाग्राम अकाउंटवर एक पोस्ट शेअर करत ही बातमी चाहत्यांसोबत शेअर केली. या पोस्टमधून त्यांनी आपल्या कुटुंबात लवकरच नव्या पाहुण्याचे आगमन होणार असल्याचे सांगितले. ही बातमी समोर येताच चाहत्यांनी दोघांवर शुभेच्छांचा वर्षाव करण्यास सुरुवात केली.
कियारा आणि सिद्धार्थच्या या आनंदाच्या बातमीने सोशल मीडियावरही मोठी चर्चा रंगली आहे. चाहत्यांसोबतच बॉलिवूडमधील अनेक कलाकार आणि मित्रमंडळींकडूनही या जोडप्यावर शुभेच्छांचा वर्षाव होत आहे.
2023 मध्ये झाले होते लग्न
कियारा अडवाणी आणि सिद्धार्थ मल्होत्रा यांनी फेब्रुवारी 2023 मध्ये लग्न केले. राजस्थानमध्ये दोघांनी कुटुंबीय आणि जवळच्या मित्रमंडळींच्या उपस्थितीत विवाह केला होता. लग्नानंतर दोघेही अनेकदा सोशल मीडियावर एकमेकांसोबतचे खास क्षण शेअर करताना दिसतात.
2025 मध्ये पहिल्यांदा झाले आई-बाबा
जुलै 2025 मध्ये कियारा आणि सिद्धार्थ यांनी सोशल मीडियावर पोस्ट शेअर करत पहिल्यांदा आई-बाबा झाल्याची आनंदाची बातमी दिली होती. आता त्यांच्या कुटुंबात आणखी एका नव्या सदस्याची भर पडणार असल्याने त्यांच्या चाहत्यांमध्येही आनंदाचे वातावरण आहे.
