रणबीर कपूरच्या ‘रामायण’पूर्वी अभिनेत्री-गायिका सुचित्रा कृष्णमूर्ती रामभक्तीत तल्लीन; राजू सिंहसोबत ‘हे राम’ सादर

दिवाळीच्या मुहूर्तावर नितेश तिवारी दिग्दर्शित आणि रणबीर कपूर अभिनीत बहुप्रतिक्षित महागाथा ‘रामायण’ प्रेक्षकांच्या भेटीला येण्यासाठी सज्ज आहे. मात्र, त्याआधीच अभिनेत्री आणि गायिका सुचित्रा कृष्णमूर्ती यांनी ‘हे राम’ हे सुंदर भजन प्रेक्षकांसमोर आणलं आहे.

गीतकार कुमार यांच्या आत्म्याला स्पर्श करणाऱ्या शब्दांनी सजलेले ‘हे राम’ हे केवळ एक भजन नाही, तर मैत्रीच्या एका अत्यंत खासगी भावनेला करुणा, आधार, आशा आणि माणुसकीच्या संदेशात रूपांतरित करणारी भावस्पर्शी रचना आहे. एकेकाळी केवळ एका व्यक्तीला मनःशांती देण्यासाठी तयार झालेलं हे गाणं आता जगभरातील श्रोत्यांपर्यंत पोहोचण्यासाठी सज्ज झालं आहे.

सुचित्रा कृष्णमूर्ती आणि राजू सिंह यांचं ‘हे राम’ हे भजन 27 सप्टेंबर रोजी, जागतिक हृदय दिनाच्या पार्श्वभूमीवर प्रदर्शित झाला आहे.

एका मित्राला सावरण्यासाठी तयार झालं ‘हे राम

गीतकार कुमार यांच्या मर्मस्पर्शी शब्दांनी सजलेलं हे गाणं मूळतः सुचित्रा कृष्णमूर्ती आणि राजू सिंह यांच्या एका खास मित्रासाठी रचण्यात आलं होतं. तो मित्र वैयक्तिक संकटातून जात होता. अनिश्चितता आणि खोल मानसिक अस्वस्थतेच्या त्या काळात दोन्ही कलाकारांना आपल्या मित्राला प्रेम, सांत्वन आणि आधार द्यायचा होता.

जेव्हा शब्द अपुरे पडले, तेव्हा त्यांनी संगीताचा आधार घेतला. याच मैत्रीच्या आणि आपलेपणाच्या भावनेतून पुढे ‘हे राम’ या गाण्याचा जन्म झाला.

“आपण कोणाचं दुःख हिरावून घेऊ शकत नाही. पण एक संगीतकार म्हणून आपण एखाद्या गाण्यात आपलं संपूर्ण मन ओतू शकतो आणि ज्यांना त्याची सर्वाधिक गरज आहे, त्यांच्यापर्यंत ते पोहोचेल अशी आशा करू शकतो,” असं सुचित्रा कृष्णमूर्ती यांनी सांगितलं.

एका व्यक्तीसाठी तयार झालेलं गाणं अनेकांच्या मनाला भिडलं

जगभरातील श्रोत्यांपर्यंत पोहोचण्यापूर्वी ‘हे राम’ ही एका खास मैत्रीची जपलेली आठवण होती. एका मित्राच्या अस्वस्थ मनाला धीर देणं आणि भीती व अनिश्चिततेच्या काळात तो एकटा नाही, याची जाणीव करून देणं हा या गाण्यामागचा उद्देश होता.

मात्र, ही रचना काही लोकांपर्यंत पोहोचताच एक अनपेक्षित बदल घडला. अनेकांनी हे गाणं पुन्हा पुन्हा ऐकण्याची इच्छा व्यक्त केली.

श्रोत्यांना या गाण्याच्या कोमलतेमध्ये त्यांच्या स्वतःच्या आयुष्यातील भावना, नाती आणि अनुभवांची झलक दिसू लागली. एका व्यक्तीला सांत्वन देण्यासाठी सुरू झालेली ही रचना हळूहळू अनेकांच्या मनाशी जोडली गेली.

याच प्रतिसादामुळे सुचित्रा कृष्णमूर्ती आणि राजू सिंह यांना जाणवलं की, एका हृदयाला मनःशांती देण्यासाठी तयार झालेलं हे गाणं कदाचित आणखी अनेक हृदयांना आधार देऊ शकतं.

राजू सिंह म्हणाले, “आम्ही हे एका मित्रासाठी बनवलं होतं. हे गाणं किती दूरपर्यंत पोहोचेल, याचा आम्ही विचारही केला नव्हता. लोकांच्या प्रेमामुळे आम्हाला जाणवलं की एका हृदयासाठी बनलेलं गाणं कोट्यवधी हृदयांमध्ये आपलं घर करू शकतं.”

कुमार यांच्या शब्दांतून उमटली प्रार्थना आणि आशा

‘हे राम’च्या केंद्रस्थानी गीतकार कुमार यांनी लिहिलेले भावस्पर्शी शब्द आहेत. सांत्वनाची गरज, प्रार्थनेत दडलेली ताकद आणि आयुष्याच्या कठीण टप्प्यांवरही आपला एखादा प्रिय व्यक्ती आपल्या सोबत असावा, ही आशा या गीतातून व्यक्त होते.

कुमार म्हणतात, “मनातील भावना कोणताही धर्म किंवा सीमा मानत नाहीत. आपला एखादा जवळचा व्यक्ती त्रासात असतो, तेव्हा आपल्या प्रार्थना एकाच ठिकाणाहून उमटतात.”

माणुसकी आणि आपलेपणाची हीच भावना ‘हे राम’ला आकार देते. करुणा, संवेदनशीलता आणि माणसांमधील नात्यांचा संदेश या गाण्यातून अधोरेखित होतो.

धार्मिक चौकटीपलीकडे माणुसकीचा संदेश

‘हे राम’ हे शीर्षक ईश्वराला केलेल्या प्रार्थनेची भावना व्यक्त करत असलं, तरी या गाण्याचा भावार्थ केवळ धार्मिक चौकटीपुरता मर्यादित नाही. करुणा, आपलेपणा आणि एखादी व्यक्ती अडचणीत असताना तिच्या मदतीसाठी पुढे येण्याची मानवी भावना हा या गाण्याचा गाभा आहे.

त्यामुळे ‘हे राम’ हे आरोग्य आणि मानसिक आधाराइतकंच सच्च्या मैत्रीचंही गाणं आहे.

जागतिक हृदय दिनाच्या पार्श्वभूमीवर 27 सप्टेंबर रोजी हे गाणं प्रदर्शित झाल्याने त्याला आणखी एक भावनिक संदर्भ मिळतो. ज्या खासगी प्रसंगातून हे गाणं जन्माला आलं, त्याची भावना कायम ठेवत करुणा, आशा आणि मानवी नात्यांचा संदेश अधिकाधिक लोकांपर्यंत पोहोचवण्याचा प्रयत्न या गाण्यातून करण्यात आला आहे.

‘हे राम’च्या मुळाशी आजही तीच साधी भावना आहे. संगीताच्या माध्यमातून आपल्या एखाद्या प्रिय व्यक्तीपर्यंत मनःशांती आणि आधार पोहोचवणं.

एका व्यक्तीला धीर देण्यासाठी सुरू झालेली ही ‘सांगीतिक यात्रा’ आता अनेक हृदयांपर्यंत पोहोचत आहे. कदाचित ‘हे राम’ ऐकणाऱ्याला या गाण्यातून एकच भावना मिळेल—आपण या कठीण प्रवासात एकटे नाही. कुणीतरी आपल्या भावना समजून घेत आहे.