मुंबईच्या धरणांतील गाळ काढण्याबाबत प्रयोगाच्या निष्कर्षांनंतर निर्णय
मुंबई : मुंबईला पाणीपुरवठा करणाऱ्या धरणांमधील गाळ काढण्याची मागणी महापालिका प्रशासनाने नाकारलेली नसून, याबाबतचा पुढील निर्णय राज्य सरकारच्या प्रायोगिक प्रकल्पाच्या निष्कर्षांनंतर घेतला जाणार आहे. तांत्रिक आणि आर्थिक बाबींचा विचार करून योग्य ती कार्यवाही केली जाईल, अशी भूमिका प्रशासनाने मांडली आहे.
धरणांमध्ये साचणारा गाळ आणि त्यामुळे पाणी साठवण क्षमतेवर होणारा संभाव्य परिणाम लक्षात घेता, दर पाच ते दहा वर्षांनी धरणांमधील गाळ काढण्यात यावा, अशी मागणी प्रभाकर शिंदे यांनी ठरावाद्वारे केली होती. या ठरावावर प्रशासनाने आपला अहवाल सादर केला आहे.
राज्य सरकारच्या सात मोठ्या धरणांमध्ये गाळ काढण्याचा प्रायोगिक प्रकल्प राबविण्यात येत असल्याचे प्रशासनाने अहवालात नमूद केले आहे. या प्रयोगातून गाळ काढण्याच्या पद्धतीबाबत तसेच त्यासंदर्भातील तांत्रिक आणि आर्थिक बाबींबाबत निष्कर्ष मिळणार आहेत.
या निष्कर्षांच्या आधारे मुंबईला पाणीपुरवठा करणाऱ्या धरणांमध्ये गाळ काढण्याबाबत पुढील कार्यवाही निश्चित केली जाणार आहे. त्यामुळे सध्या मुंबईच्या धरणांमध्ये गाळ काढण्याचा निर्णय झालेला नसला, तरी या मागणीवर भविष्यात विचार करण्याची शक्यता प्रशासनाच्या भूमिकेतून स्पष्ट होत आहे.
धरणांमधील गाळ काढण्याचे काम कोणत्या पद्धतीने आणि किती कालावधीनंतर करावे, याबाबतचा निर्णय संबंधित तांत्रिक अभ्यास, प्रायोगिक प्रकल्पाचे निष्कर्ष आणि आर्थिक व्यवहार्यता लक्षात घेऊन घेतला जाणार आहे.
