दहावी बारावीच्या परीक्षेचा वेळापत्रक जाहीर,

मुंबई/पुणे
महाराष्ट्र राज्य माध्यमिक व उच्च माध्यमिक शिक्षण मंडळामार्फत फेब्रुवारी-मार्च २०२७ मध्ये घेण्यात येणाऱ्या दहावी आणि बारावीच्या परीक्षेचं वेळापत्रक जाहीर करण्यात आलं आहे. बारावीची लेखी परीक्षा सोमवार ८ फेब्रुवारी ते १६ मार्च २०२७ या कालावधीत घेण्यात येणार आहे तर दहावीची लेखी परीक्षा सोमवार १५ फेब्रुवारी ते ११ मार्च २०२७ या कालावधीत घेण्यात येणार आहे. बारावीच्या प्रात्यक्षिक श्रेणी तोंडी व अंतर्गत मूल्यमापन परीक्षा 20 जानेवारी ते १५ फेब्रुवारी या दरम्यान घेण्यात येणार आहे.तर दहावीच्या विद्यार्थ्यांच्या प्रात्यक्षिक,श्रेणी,तोंडी व मूल्यमापन परीक्षा २८ जानेवारी ते १३ फेब्रुवारी या कालावधीत घेण्यात येतील. विषयानुसार अंतिम सविस्तर वेळापत्रक मंडळाच्या संकेतस्थळावर प्रसिद्ध करण्यात येणार असून विद्यार्थ्यांनी शाळा व कनिष्ठ महाविद्यालयाच्या माध्यमातून याची खात्री करून घ्यावी असे आवाहन शिक्षण मंडळाने केले आहे.

महाराष्ट्र राज्य माध्यमिक व उच्च माध्यमिक शिक्षण मंडळाच्या राज्यातील पुणे, नागपूर,छत्रपती संभाजी नगर, मुंबई, कोल्हापूर, अमरावती, नाशिक, लातूर आणि कोकण या नऊ विभागीय मंडळामार्फत या परीक्षा घेण्यात येणार आहेत