उपमुख्यमंत्री सुनेत्रा पवारांकडून दगडूशेठ गणपतीचं दर्शन; दुष्काळ आणि पर्यावरणाबाबत केलं आवाहन
पुणे : गणेशोत्सवाच्या पार्श्वभूमीवर उपमुख्यमंत्री सुनेत्रा पवार यांनी पुण्यातील प्रसिद्ध श्रीमंत दगडूशेठ हलवाई गणपतीचं दर्शन घेतलं. यावेळी त्यांनी गणरायाची पूजा, अभिषेक आणि आरती केली. गणपती बाप्पाच्या चरणी नतमस्तक होत त्यांनी राज्यातील नागरिकांच्या सुख-समृद्धीसाठी प्रार्थना केली.यावेळी सुनेत्रा पवार यांनी दुष्काळाच्या परिस्थितीवरही भाष्य केलं. दुष्काळाबाबत सरकार गंभीर असून, परिस्थितीवर मात करण्यासाठी आवश्यक त्या सर्व उपाययोजना केल्या जात आहेत, असं त्यांनी सांगितलं.
गणेश विसर्जनाच्या पार्श्वभूमीवर नागरिकांना आवाहन करताना सुनेत्रा पवार म्हणाल्या की, गणपती विसर्जनाची मिरवणूक उत्साहात आणि आनंदात काढावी; मात्र त्याचा इतर नागरिकांना त्रास होणार नाही, याची काळजी घ्यावी.तसंच पर्यावरणपूरक गणेशोत्सव साजरा करण्यावरही त्यांनी भर दिला. गणेशमूर्तींचं विसर्जन कृत्रिम तलावांमध्ये करावं, असं आवाहन त्यांनी गणेशभक्तांना केलं.दरम्यान, दिवंगत अजित पवार यांच्या काळापासून दगडूशेठ हलवाई गणपतीचं दर्शन घेण्याची परंपरा राहिली आहे. याच परंपरेनुसार सुनेत्रा पवार यांनीही दगडूशेठ गणपतीचं दर्शन घेत पूजा, अभिषेक आणि आरती केली.गणेशोत्सवाच्या पार्श्वभूमीवर सुनेत्रा पवार यांनी दुष्काळ, विसर्जन मिरवणूक आणि पर्यावरणपूरक उत्सवाबाबत केलेल्या आवाहनाची सध्या चर्चा होत आहे.
